SA, 30.03.2013 Remember @ Ozon saves the rave

Infinity303 · Beitrag von **Infinity303** » Mi 30. Jan 2013, 18:46

Seven hat geschrieben:Guet also, 3 Mal "ja" bis jetzt, han au nüt anders erwartet
Hane gschriebe, dass si trotzdem stattfindet. Vilicht müend mer de Titel no ändere in "Remember @ Ozon doesn't meet anybody"

Oder "Remember@Ozon meets nobody"

vakuum · Beitrag von **vakuum** » Mi 30. Jan 2013, 21:27

müestisch dene vilicht nomal klar mache wie gross de Rum isch.. wüsseds ja eigentlich.....

mit de Stammgäscht isch ja scho guet... wenn die neue DJs jetzt no 20 lüüt mee bringed isch es scho volle....

da isch scheiss egal öb oxa nachher isch, isch ja au nachher und ned am gliche tag somit isch mer gad schön im rhytmus.....

und wenns zwenig lüüt gha händ chönds ja am 27. april gad nomal cho...

Seven · Beitrag von **Seven** » Mi 30. Jan 2013, 21:35

Wie du richtig seisch, wüssed si das scho und si wüsse au das mit de Personelimite, will ich ihne das gseit ha. So wies usgseht chömed jetzt halt es paar weniger, aber selber schuld wer Prioritäte falsch setzt

Isch guet, da heisst du chunsch au am 31.?

Seven · Beitrag von **Seven** » Do 31. Jan 2013, 09:49

Also de Adrian und sini Lüt sind nach wie vor debi und er duet eus au witerhin (finanziell) unterstütze. De Arachno und de Simple leged au no uf, es werde eifach paar weniger lüt vom Arachno debii si. Fazit: No problemo

Seven · Beitrag von **Seven** » Do 31. Jan 2013, 23:12

Soeben hat mir Arachno jetzt doch eine Absage erteilt, also brauchen wir zumindest noch einen der auflegt. Bei Simple bin ich mir nicht sicher, ich habe ihn noch um Stellungnahme gebeten.

Dann werd ich (wieder mal) einen neuen Flyer machen *seufz*

Seven · Beitrag von **Seven** » Fr 1. Feb 2013, 09:29

Also, es wird immr bessr, de Arachno het au no grad im Simple abgseit, wie wenn er nid chönti selber entscheide

FAZIT: Patrik und Martin: Falls er immer no gern spiele würdet... Mr bruche no 2 DJs

Aran · Beitrag von **Aran** » Fr 1. Feb 2013, 09:36

lol

ä ja bi scho debi.

Seven · Beitrag von **Seven** » Fr 1. Feb 2013, 09:40

Du chasch scho lache

Ha de Martin au mol drufto, wägem Lineup chömmr eus jo no do inne bespreche.

vakuum · Beitrag von **vakuum** » Fr 1. Feb 2013, 10:08

das tönt absolut typisch nach dene lüüt..... scho truurig eigentlich....

Seven · Beitrag von **Seven** » Fr 1. Feb 2013, 10:20

...ufene Art chanis nahvollzieh, sine Lüt isch jetzt halt s Oxa wichtiger und wennd nid für 2 Täg nachenand chasch/wotsch en Babysitter organisiere als verhüratets Paar mit Chind z.B., denn muesch halt Prioritäte setze. Andrersits zeigt de Adrian au das mer zu sim Entscheid cha stoh.

Ich betone do no einisch dass de Adrian nach wie vor zu eus hebt und de Arachno au nur nid chunnt will er vo sine Lüt bitz im Stich gloh worde isch. Ich hane gschribe, dass ich da sehr schad finde, aber dass mer sicher irgendwenn mal es bessers Datum finde. Es goht jo schlussendlich um de Sound und s zäme Fiire, so gseh wämmr beidi s gliche und denn chasch nid so nachtragend si.

vakuum · Beitrag von **vakuum** » Fr 1. Feb 2013, 13:01

ich meine mier isch das ja eigentlich egal, müend sii ja wüsse.... finds guet dass d Party glich machsch!

es zeigt eifach mal wieder ganz dütlich de underschid zwüsched emene DJ Harmony und em Arachno/Simple

Aran · Beitrag von **Aran** » Fr 1. Feb 2013, 14:37

vakuum het vollkomme recht.

es gig wird eigentli nöd abgseit!!! vorallem nöd wenn scho en "oranisatorische ufwand" dehinter stoht.

wenn jetzt mit drölfzg grad fieber im bett liesch cha mer e usnahm mache, aber sicher nöd wells irgendwo (am nöchschte tag!!!!) irgendwie "cooler" chönti sieh.

Seven · Beitrag von **Seven** » Fr 1. Feb 2013, 15:02

Ich bi grundsätzlich au Euer Meinig. Scho nur will de Event eigentli vo ihne agstosse worde isch. Wonis gläse ha isch mer im erschte Moment au bitz de Chrage platzt...

Ich bi aber au de Meinig, dass mer sich i sonere Situation sell bitz erwachse verhalte, sprich gelasse si nachem Motto: wer ned wott, de het halt gha. Mir chöne au so Party lo krache

Ändere chönemer nüt me dra, es wird sicher wider e supr Fuehr, und wie scho gseit chöme de Adrian und sini Lüt trotzdem und er wird eus au unterstütze.

A dere Stell möchti au no einisch klarstelle, dass de Patrik und de Martin nid - Zitat vom Martin: usegfuuhlet sind - sondern dass s Lineup vo dene beide scho vo Afang her so gwünscht worde isch. Nur damits keis böses Bluet resp. Missverständnis git.

So jetzt gnue quatscht, freuemr eus uf die Party und fertig

Aran · Beitrag von **Aran** » Fr 1. Feb 2013, 15:31

Seven hat geschrieben:Ich bi grundsätzlich au Euer Meinig. Scho nur will de Event eigentli vo ihne agstosse worde isch. Wonis gläse ha isch mer im erschte Moment au bitz de Chrage platzt...

Ich bi aber au de Meinig, dass mer sich i sonere Situation sell bitz erwachse verhalte, sprich gelasse si nachem Motto: wer ned wott, de het halt gha. Mir chöne au so Party lo krache

Ändere chönemer nüt me dra, es wird sicher wider e supr Fuehr, und wie scho gseit chöme de Adrian und sini Lüt trotzdem und er wird eus au unterstütze.

A dere Stell möchti au no einisch klarstelle, dass de Patrik und de Martin nid - Zitat vom Martin: usegfuuhlet sind - sondern dass s Lineup vo dene beide scho vo Afang her so gwünscht worde isch. Nur damits keis böses Bluet resp. Missverständnis git.

So jetzt gnue quatscht, freuemr eus uf die Party und fertig

gnau drum seit mer doch sones gig nöd ab! naja, i werdne sicher nie irgendwo füres gig burche

egal,... i freu mi uft party, s wird riesig

jeyenne · Beitrag von **jeyenne** » Fr 1. Feb 2013, 21:49

was got denn do ab ?! hick hack vom feinscht