Gaht s'Ozon langsam am Ändi zue?

[rucki]

De Beat und ich sind im OZON sitt bald 4 Jahr aktiv. Langsam aber sicher isch de Pfuus bi eus dusse und mer händ nüme so Freud wie au scho. Mer händ eus überleiht, was mer wännd mache. Mer sind uf 2 Alternative cho:

1. Mer mached dicht, und e geili Aera isch eifach verbii.

oder aber

2. Mer findet Lüüt, wo sich det une mit eus beteiliget. Das heisst, Party mached, uflegged usw usw, sich aber au finanziell beteiliget, damit eus e gwüssi Lascht weggnoh wird.

Hät öppert Luscht zum mitmache, resp. hät gueti Kollege wo da Luscht hettet?

[Seven]

Hälfe Parties vorbereite oder so dueni gärn, uflegge ebefalls immer und au Ufrume oder so chani sicher irichte. Finanziell isch leider chli schwer bi mer. Also fals Der no öper bruched wo hilft Züg schleppe oder so, keis Problem.

[Infinity303]

Hey das wär ja üsserscht beduurlich, wänn sOzon dicht wür mache...

Aber, hani eu nöd scho mal abotte, dassi mich beteilige? Han gmeint, ich heg da mal so was i die Richtig gseit...und wänn nöd dänn machi das i däm Fall gärn au jetzt! Mer chöntet eus ja mal träffe und das ganze bespräche oder so?

[vakuum]

es gaht halt ebe nid nume um 20 Fr. pro Monet sondern um 700 Fr. die reini Rum Mieti....

[Infinity303]

Das isch mer dänk au klar, darum ja min Vorschlag zum das ganze mal bespräche

[Agent soz.IO]

Und vielleicht etwas mehr Fremdveranstaltungen machen bzw. machen lassen? Etwas offensiveres Marketing?

By-the-way: Was würde das Ozon überhaupt für einen Freitag oder Samstag Abend kosten? Und wie wäre die Kostenteilung? (Erhält man Bar-Gewinn, muss man Bar-Personal stellen usw.) Ich wäre eventuell interessiert zwischendurch mal ne Party dort zu machen (und wüsste ev. noch mehr Leute).

[Agent soz.IO]

und die wichtigste Frage: Was hat das in der Rubrik Technik zu suchen?

Bitte verschieben!

[vakuum]

@ Infinity... ja lueged mers demfall mal a....

[t-orbital]

wie wärs mit ere art vereins-lösig? jede zahlt monatlich e rechnig ih, all beteiliged sich dra, etc.? ich bin sofort debii, finanziell chan i nur en teil aber ebe zahle würdi eifach nöd s ozon undergah lah

[vakuum]

@Agent soz.IO

Fremdveranstaltungen (oder Veranstaltungen mit fremdem Publikum)kotzen mich ehrlich gesagt ziemlich an...
Die Leute benehmen sich nicht, schätzen nicht was man für sie tut und haben dabei noch ne dumme fresse.... so wars bis jetzt... und es war jedes mal schlimmer

vorallem das HC folk... unglaublich wie beschränkt da einige davon sind.... zerstörung von Mobiliar, Runterreissen der Notausgangbeläuchtung, jede Menge abfall in der Tiefgarage, in jede Ecke hinkotzen, an eine Gratisparty kommen und noch so frech sein und das eigene Gesöff mitbringen und dann ne dumme Fresse haben.. usw...

dazu kommt dass wir bei mehr Veranstaltungen noch mehr Zeit, die wir nicht haben, investieren müssten und auch Bewilligungstechnisch was gehen müsste, da es dann schlecht jedes mal ne Geburtstagsparty sein kann?!

Wenn wir Leute finden die das Ozon Betreuen (also uns entlasten), die wir auch kennen und Vertrauen können, dass wir eventuell auch nicht jedes mal beide anwesend sein müssen... dann wäre das sicher was, ich kenne aber nicht wirklich jemand der das sein könnte.....

[vakuum]

hämmer au scho überleit @torbi....

aber lueg bi dem verein wäred vilicht 6 oder 7 lüt debi.... oder kennsch mee?? wenns 7 lüüt sind denn mus jede im monet 100 Stutz zahle dass d Mieti dusse wär....

so viel Zahlt niemert... wasi aber au verstah....

mier händ jetzt i dene 4 Jahr gäge die 35'000 Fr Mieti zahlt fürs Ozon die ganze andere Investitione nid grächnet.... und es chan so eifach nüme witer gaa...

[t-orbital]

ja d frag isch au, was isch mit em inventar wenn d mieti abzahlt isch, bliibt das det?

ich würde zahlen aber nat. nicht alleine. aber wie wärs mit versch. beiträgen? z.b. leute die 70-100.- zahlen, einige spender die so 20.- zahlen. sehe ich das zu einfach?

[Infinity303]

So vereinmässig fändis jetzt au no cool...aber stimmt scho...meh als 6-7 Lüüt findsch da nöd und nid jede wird welle/chöne 100.--/Mt. dafür zahle...ich persönlich fänds aber no easy. Und anderersiits wärs so aber doch au scho mal besser, als wänners nur z'Zweite müent finanziere?

Was ich ebenau no geil wür finde, wänn mer sOzon als "Gmeinschaftsrüümli" chönt bruche, z.B. wänn kei Party lauft, eifach susch im Ozon hänge...sound lose/uflegge, game, DVD luege usw....viellicht zwar nöd grad jedes WE, aber halt doch öppe die mal. Ich han eu ja au scho gfröged, ob ihr amig im Ozon sind und dassi au gern wür cho, aber wänner eu nöd mäldet...
Vielliicht gits ja susch no de eint oder ander, wo amig debi wär und ebe sich au finanziell wür beteilige?

[vakuum]

wie meinsch das wäg em Inventar torbi?? das mit de 20 stutz pro monet hämmer eus au scho denkt.. aber lug es werded 10 lüüt da us em forum (wenn überhaupt) die 20 stutz zahle.... da langet eifach nie....



@Infinity.... hehe s problem isch ja dass mier nie dete sind ussert wenn party isch.... am beschte wär wenn sich es paar wo de rum wänd zum uuflegge nutze zum sounde, zum game, zum hange oder au mal e geburriparty mached, würed was zahle und denn au sälbstständig det ine chönd... aber ebe es paar so lüüt zfinde isch au nid eso eifach...

[Infinity303]

@Infinity.... hehe s problem isch ja dass mier nie dete sind ussert wenn party isch....

Jä so....aber es hät doch mal gheisse, dass ihr dä Töggelichaschte im Rüümli händ, wiil ihr au susch ab und zue dete sind?

am beschte wär wenn sich es paar wo de rum wänd zum uuflegge nutze zum sounde, zum game, zum hange oder au mal e geburriparty mached, würed was zahle und denn au sälbstständig det ine chönd

Ja genau so öppis hani gmeint!

... aber ebe es paar so lüüt zfinde isch au nid eso eifach...

Das isch halt ebe sProblem...ich wär jedefalls debi...und au nid nur mit 20.--