Artikel 13

[t-orbital]

Was dänked ihr vom ganze?
https://www.djmag.de/einzelnews/artikel ... zenten-zu/

[Seven]

Hani mir ehrlich gseit no nid so viel Gedanke dezue gmacht. So en Upload-Filter isch technisch aber scho jetzt zumindescht für Musig möglich, siehe z.B. http://de.wikipedia.org/wiki/Akustischer_Fingerabdruck ... Das ganze funktioniert vermuetli über Hashtables, mit dene isch quasi en eidütigi Zueornig vome Musikstück zumene digitale "Fingerabdruck" machbar. Ich glaubs, au bi mediafire z.B. werde die scho agwendet. Wo de Martin und ich mal en Mix (glaubs miteme Stück vo Infected Mushroom) hend welle ufelade, hets das Ding mitere entsprechende Meldig blockiert. Was das ganze für anderi Arte vo Datene bedütet, weissi ned, aber ich dänke es chönnti scho no en Challenge si, das zueverlässig z filtere, so dass nid zviel und nid zwenig gfilteret wird.

Abgseh vo dem findis aber zumindescht fragwürdig. Bi Sache wo am PC produziert werde wird doch sowieso überall kopiert (das isch en Vermuetig) und es git vorgfertigti Sound-Libraries wo alles scho dinne hesch (das isch en Tatsach). S Underscheide, was isch neu und was isch neume usekopiert wird denn sicher schwieriger. Bi Musig wo nid am PC produziert worde isch, mags vilicht Sinn mache, aber denn müesst de Filter und au s Gsetz dezue usgrift si und das wirds sicher ned grad vo Afang a si.

[Aran]

bi au gspanne was das gnau bedütet.
wie isches btw. jetzt mit musik uf youtube? es git jo so zimli jede track (techno aber au aktuelli chart hits) uf youtube? verstosset die nöd jetzt bereits geg urheberrecht? glöscht werdets uf all fäll nöd.

[Seven]

Mir isch scho ab und zue Mal ufgfalle, dass en Track uf Youtube entfernt worde isch, wiler gäg irgend es geltends Recht verstosst, denn wird en Text statt s Video iblendet.. z.B. "The video [...] is not available". Ich due ab und zue (wenni wieder Mol Platte-Ichauf mache) bi Discogs umestöbere, und denn bemerkis immer wieder mal bi de Tracks wo bi Youtube verlinkt sind (und no ned vo Discogs glöscht).

[t-orbital]

youtube het scho so filter allerdings sinds nonig so usgriift wie dasses jetzt dänn müessted sii so wie ich das verstande ha.
prinzipiell müesstisch jede um erlaubnis bitte wennt uf youtube was wotsch uploade wo d recht bi öpper anderem sind.
mir hetz mal bime ufelade vome set gheisse, ich cha das nöd mache da ich d recht vom track "xy" nöd besitze (irgend so e komischi 91er ami schiibe)

[Seven]

Chasch den Mix denn trotzdem ufelade (uf Gfohr ane, dassd irgendwie verchlagt/bestraft wirsch)? Und es langet i dem Fall ned as irgend en Text zum Video postisch, z.B. dass de Track nid geistigs Eigetum vo Dir isch und Du kei Recht hesch oder so i dere Art?

Es sett i de Musigbranche au so öpis wie es "Open Source" Konzept gä, wies das bi de Software git

[t-orbital]

Es sett i de Musigbranche au so öpis wie es "Open Source" Konzept gä, wies das bi de Software git

giz quasi - das ganze nännt sich free tekno: https://de.wikipedia.org/wiki/Freetekno

[Aran]

Chasch den Mix denn trotzdem ufelade (uf Gfohr ane, dassd irgendwie verchlagt/bestraft wirsch)? Und es langet i dem Fall ned as irgend en Text zum Video postisch, z.B. dass de Track nid geistigs Eigetum vo Dir isch und Du kei Recht hesch oder so i dere Art?

Es sett i de Musigbranche au so öpis wie es "Open Source" Konzept gä, wies das bi de Software git

so wie is verstande haftet platform denn defür. falls aso kein automatische upload filter installiert hend und dis urheberrechliche zügs postet wird, muess platform defür grad sto.
open source für musik chasch au mache, dörfsch eifach nu sache poste wo urheberrechtlich nöd gschütz sind (bzw. dir ghöret).

[t-orbital]

da isches au s thema:
https://www.sequencer.de/synthesizer/th ... en.127521/

oder da vo soundcloude selber:
https://help.soundcloud.com/hc/de/artic ... g-entfernt

https://djtechtools.com/2017/06/05/basi ... ight-laws/

[Seven]

Ok, danke.. wirdi mer demfal au mol zu Gemüte füehre.